AURREELABORAZIOAK:

• Orburuei kanpoko hostoak eta buztana kendu. Bihotzei erdigunea kendu bolatxoak egiteko tresna baten laguntzaz.
• Zuzenean, prest edukiko dugun oliba oliotan murgildu ilundu ez daitezen.
• Tipulina uztai oso finetan txikitu.
• Urdaiazpiko xerra finak moztu, gantza kendu eta paper sulfurizatu baten gainean jarri.

ELABORAZIOA:

  URDAIAZPIKO HAUTSA:

• Urdaiazpiko xerrak labean erre 180ºC-tan.
• Lehor dagoenean, sukaldeko paperarekin gantza xikatu eta utzi denbora pixkat paperarekin xurgatzen.
• Thermomixean birrindu hautsa bihurtzeko. Kantitate gutxi bada, morteroan egin daiteke.

  ORBURUAK:

• Orburuak konfitatu tenperatura baxuan. 
• Bigun eta osoak daudenean, oliotatik atera eta ondo xukatu buruz behera ipiniz, zulodun gastronor batean.
• Moztu orburuak erditik edo laurdenetan, bere tamainaren arabera, banandu anoaka eta serbitzurako gorde.

  FOIE SALTSA:

• Foie saltsa egiteko, foie (soberakinak egon ezkero hauek erabili) Oporto ardo apur batekin sutan jarri, alkohola lurrundu eta esnegaina gehitu.
• Irakin saltsa ehundura eduki arte eta gatzarekin ondu. Turmix txikiarekin edo thermomixarekin xehatu eta txinotik iragazi.    

ZERBITZUA:

• Berotu orburuak labean.
• Foie saltsa beroarekin salseatu.
• Urdaiazpiko hautsaz eta tipulin txikituaz hautseztatu.