AURREELABORAZIOAK

• Berakatza brunoisean moztu. Gorde.
• Piper berdea brunoisean moztu. Gorde.
• Bakailaoa papurtu. Gorde.
• Piper txorizeroak ireki eta haziak kendu. Uretan sartu eta zuritu, gero xukatu eta mamia kendu. Gorde. 
• Ogi lehorra xerretan moztu eta labean lehortu; gorde.
• Perrexila brunoisen moztu eta gorde.

 ELABORAZIOA

• Fumet bat prestatu.
• Berakatza oliba-oliotan sueztitu eta piper berdea gehitu.
• Sueztitu eta gero bakailaoa gehitu eta eragin.
• Piper txorizeroen mamia gehitu (bizkaitar saltsa pixka bat erabili daiteke ordezko) eta nahastura sueztitu.
• Azkenik ogi lehorra gehitu, sueztitu eta fumet beroarekin busti. Utzi egosten bitsadera batekin eraginez. Zopa prest egongo da ogia oso bigun dagoenean edo zopa ia lodi dagoenean. Amaitzeko gatz puntua eman.
• Emaitza bakailaoarekin egindako berakatz zopa izango da eta sardexkarekin jango denez lodi xamarra izan beharko du.

 ZERBITZUA:

• Arrautza galdarraztatzea: ur irakina ozpinarekin edo limoi zukuarekin (gutxi gorabehera %10 ozpin): arrautza kraskatua bota; sua itzali eta 3 minutuan utzi; denbora pasa eta gero atera eta ur hotzean sartu egosketa eteteko; azkenik moztu ertzak.
• Beste teknika bat da arrautza kraskatu eta urak berriro irakin dezan uztea, baina modu suabe (kasu honetan ez da 3 minutu uretan utzi behar).
• Arrautzak zuringo mamitua eta gorringo likidoa izan beharko ditu; eta zuringoak gorringoa bildu behar du.  

PLATERERATZEA

• Zopa bero-bero dagoela plater sakon batean edo antzeko ontzi batean jarri; arrautz galdarraztatua erdian jarri; eta brunoisean moztutako perrexilarekin hautseztatu.