• Irina, legamia eta urarekin ogi ore arrunta egin eta ordu bete hartzitzen utzi.
• Bitartean gurina 50gr-tako 4 zatitan banatu eta azukrea ere. Irineztatu mahaia eta orea zabaldu arrabolarekin laukizuzen forma emanez. 50gr gurin gainean zabaldu eta 50gr azukre hautseztatu. Buelta arrunta eman.
• Berriz luzatu eta beste 50gr gurin eta 50gr azukrearekin beste buelta arrunta eman.
• Atsedena eman hozkailuan baina ez dadila ordubete baino gehiagoko izan azukrea urazukre bihurtu ez dadin. Berriz bi buelta arrunta eman bakoitzean 50gr gurin eta 50gr azukre sartuz.
• Luzatu ahal den finen eta uztai batekin zirkuluak moztu. Laukitu puntillarekin. Paper sulfurizatuan zabaldu.
• Luze kontserbatzeko izoztu daiteke. Honetarako eraitsi lehenbailehen.
• Golden sagarrak zuritu eta gajoetan moztu. Zartagin batean gurinarekin salteatu eta azukrea bota salteatu bitartean.
• Uztaietan jartzen joan eta gainean ore ijeztuaren zirkulu bat ipini. Zerbitzuan laberatu.
• Sagardo granizatua egin.
• Yogourt esferifikazioak egin.
• Gainera behar izango dugu: menda txurtenak (apaintzeko), intxaur zatituak, kanela hautsean, gurin urtua eta azukrea.

PLATEREZTATZEAN:

Tartatxoari gurin urtua eta azukrea gehitu eta 200ºZtan laberatu 15 minutu inguru. Krislalezko plater baten erdian jarri, alboan intxaur txikitu batzuk eta gainean sagardo granizatuaren kenefa bat. Yogourt bolatxoak alboan eta kanela hautsarekin marra batzuk plater ertzetan. Tarta gainean menda txurten bat jarri.