Pil-pil saltsa egiteko 2 era:

1.

• Bakailo hezur eta azalak ur gutxitan jarri irakiten, demi-glace itxurako prestakin kontzentratua lortzeko.
• Hotzetik oliba-oliotan berakatz xerratua jarri eta sutan jarri.
• Berakatza gorritzen denean pipermina uztaietan gehitu eta sutatik baztertu.
• Atera apaintzeko erabiliko diren berakatz eta pipermina. Utzi epeltzen olioa.
• Gehitu olioari demi-glacea hari mehean, irazkiarekin etengabe irabiatuz loditu arte.

2.

• Gorritu oliotan berakatz xaflak eta pipermin uztaiak. Atera eta gorde.
• Gehitu olio horri bakailao hezur eta azalak eta utzi irakiten minutu batzuez.
• Eltzea sutatik atera olioa epeldu dadin.
• Une honetan hiru metodo ezarri daitezke:

1. Mugitu eltzea mugimendu biribilduekin saltsa emultsionatu arte eta pasatu txinotik.
2. Olioa kendu eta hari mehean berriz eltzera gaineratzen joan mugimendu biribilen bitartez saltsa loditu arte. Txinotik iragazi.
3. Emultsionatu arrain zukua eta olioa iragazki baten laguntzaz.