AURREELABORAZIOAK

• Bezperan babarrunak garbitu eta beratzen jarri ur hotz ugarian.
• Tipula, azenarioa eta porrua brunoisean moztu eta gorde.
• Tomatea dadotan moztu eta gorde.
• Txorizoa, hirugiharra eta sahieskia (freskoa nahiz ontzutua) gorde.
• Baratxuria xaflatan moztu eta gorde.
• Aukeran: aza zati handitan moztu.

ELABORAZIOA

• Babarrunak lapiko (marmita erdi) batean ipini beratze urarekin.
• Hirugiharra, saiheskia eta txorizoa bertan sartu.
• Tipula, azenarioa, porrua eta tomatea gehitu.
• Gatza eta olio pixka bat bota eta sutan jarri.
• Babarrunak poliki-poliki eta etengabe irakin behar du desegin ez dadin.
• Haragiak prest daudenean, atera.
• Zatitan moztu hobeto anoatzeko eta gorde. 
• Babarrunak samurtzen direnean, zartagin batean berakatz txikitua olio hotzarekin sutan jarri eta dantzan hasten denean, piperrautsa erantsi, ondo nahastu eta berehala babarrunei bota.Irakinaldi bat eman.
• Egokitu gatz puntua.

ZERBITZUA ETA PLATERATZEA

• Plater sakon batean zerbitzatu.
• Beste platertxo batean piperminak (piparrak) atera.
• Ingeles erara egositako azarekin ere hornitu daiteke. Horrela bada baratxuri olio errearekin onduko dugu.