AURREELABORAZIOAK

• Berakatza xaflatan moztu, tipula julianan, azenarioa ilargi erditan eta tomateak laurdenetan zatitu. Gorde.
• Ossobuccoa aurreelaboratu. Gorde.
• Perrexila brunoisean moztu. Gorde.

ELABORAZIOA

• Hondo iluna prestatu.
• Ossobuccoa gatzarekin eta piperbeltzarekin ondu, apur bat irineztatu eta frijitu; olioa kendu eta gorde.
• Barazkiak gogortasunaren arabera sueztitu (tomatea ez ezik); sueztitu ondoren gehiegizko koipea kendu; sutan berriro jarri eta tomatea gehitu; sueztitu.
• Ossobuccoa barazkien lapikora gehitu eta sueztitu.
• Ardo beltza bota eta trinkotu.
• Hondo ilunarekin busti eta egosi haragia bigundu arte.
• Haragi zatiak lapikotik atera eta saltsa turmixarekin xehatu eta txinotik iragazi.
• Bildu saltsa eta ossobucco zatiak; irakinaldi bat eman eta gatz puntua eman. Gorde.
• Espagetiak ingeles erara egosi; freskatu eta xukatu; plaketan ipini eta olio pixka bat gehitu itsats ez dadin; piperbeltz zuriarekin, intxaur muskatuarekin, gurinarekin eta gazta birrinduarekin ondu. Filmarekin estalita gorde.

ZERBITZUA

• Pasta gainetik gazta birrindu gehiago ipini eta labean sartu berotzeko eta gainerretzeko
• Ossobuccoa irakin arazi.

PLATERERATZEA

• Plater atalean ossobuccoa jarri, albo batean pasta bero beroa ipini.
• Perrexil txikituarekin hautseztatu.