AURREELABORAZIOAK

• Gantz pixka bat kendu ahate-paparrari, atzekaldean dituen zainak kendu eta zizelatu (erronbo forma emanez)
• Laranjak zuritu (alde zuria kenduz) eta moztu azala juliana fin-finean. Zuritu. Paper xurgatzailean lehortu. Laranja-ura atera.
• Zuritu eta moztu barazkiak hondo iluna prestatzeko.
• Prestatu bol bat ur hotzarekin eta usain-belarrak garbitu, apaintzeko erabiliko badugu.(aukeran tipulin-olioa edo perrexil-olioa erabili dezakegu)
• Zuritu madariak, mutxikina atera eta erditik moztu. 

 ELABORAZIOA

• Prestatu hondo iluna gero demi-glace bat egiteko.
• Ondu gatzarekin eta piperbeltzarekin ahate-paparra eta zartagin batean erre oliorik gabe, gantza duen aldetik lehenik eta gero beste aldetik.
• Egosi zukua bi azukre koiladakarekin karamelu arinaren lodiera lortu arte.
• Gehitu Demi-glacea eta azkenik laranja azalaren juliana. 
• Irakiten utzi eta urritzen denean gurin pixka batekin loditu.
• Salteatu madariak gurinarekin. Gehitu azukre beltza, ur pixka bat, kanela-txotxa bat eta limoi-zukua eta dena batera kozinatu.(karamelatuta dagola ikusten badugu eta madariak oraindik gogor, ur gehiago gehitu. Bigun daudenean hagaxkarekin apurtu).
• Salteatu ziazerba orriak ekilore olioarekin. (Ziazerba freskorik ez badugu, egosi ingeles erara izoztutakoak. Xehetu eta bolatxoak egin. Irineztatu eta frijitu).

ZERBITZUA

• Laberatu ahate-paparra 2-3 minutuz. 

PLATERERATZEA

• Xerratu ahate-paparra eta platereratu abaniko forman. bota saltsa gainetik eta pixkatxo bat platerean.
• Ipini ziazerbak plateraren erdian. (bolatxoak egin badira, plateraren inguruan ipini).
• Jarri madari konpota beroa ziazerbaren gainean uztai baten laguntzarekin. (konpotaren inguruan ziazerba ikusiko da).
• Apaindu usain-belarren batekin (edo tipulin- edo perrexil-olioarekin).