AURREELABORAZIOAK

• Azalorearen zati ez jangarriak kendu, zatitxotan banatu eta garbitu. Gorde.
• Aurreelaboratu tomate concassearen osagaiak.
• Aurreelaboratu lupiatxoak eta hezurrik gabeko solomoak atera. Gorde.
• Berakatza eta perexila brunoisean moztu. Banatuta gorde.
• Tipulina ur hotzetan murgildu hidratatzeko. Horrela gorde.

 ELABORAZIOA

• Azalore-purea: ingeles erara egosi azalorea; xukatu eta xehetu gurina ukendu puntuan (beroaren eraginez ehundura krematsua hartzen du horrela) pixkanaka gehituz nahi den lodiera lortu arte; lodiera eta zapore puntuak eman. Maria-bainuan mantendu  zerbitzuan zehar eta irabiatu noizean behin zarakarrik egin ez dadin. Filmarekin estali.
• Tomate concassea egin. Gorde.
• Olio errea: zartagin batean oliba-olioa bota eta barakatza brunoisean; sutan jarri eta berakatza frijitzerakoan, gehiegi gorritu gabe, sutatik atera eta perexila brunoisean gahitu. Gorde.

ZERBITZUA

• Lupiatxoaren solomoak gatzatu eta plantxan markatu gorritu arte; erretilu batetan jarri eta fumet edo ardo zuri apur bat gehitu; laberatu 180º C-ra.
• Azalore-purea, tomate concasse eta olio errea bero mantendu.

PLATERERATZEA

• Plater atalean eta metalezko aro baten laguntzaz tomate concassea jarri; alboan  azalore-pure koilarakada bat jarri eta tontorraren gainean tipulin zati polit pare bat jarri; lupiatxoa concasse tomatearen gainean jarri; olio errea lupiaren gainean bota; eta brunoisean moztutako tipulinarekin apaindu.