AURREELABORAZIOAK

• Urdaiazpikoa aurreelaboratu (edo urdaiazpikoaren zatiak). Gehiegizko gantza kendu eta lotu. Gorde.
• Moztu azenarioa dadotan eta gorde.
• Moztu lekak ronbotan eta gorde.
• Zuritu patatak eta moztu dadotan. Gorde.
• Txikitu perrexila brunoisean eta gorde.

ELABORAZIOA

• Bota gatza eta piperbeltza urdaiazpikoari eta olioztatu. Jarri gastronorm plaketan tamainaren arabera. Sartu labean 180ºC-ra piezaren bihotzean 85ºC hartu arte edo, burruntzi bat sartzean odolik ateratzen ez den arte eta burruntzia espainetara eramaterakoan bero dagoela ziurtatu arte.
• Urdaiazpikoa egindakoan plaketatik atera eta pausatzen utzi, zuntzak lasai daitezen eta tenperatura zati osoan berdindu dadin.
• Xerratu eta zabaldu plaketan bata bestearen gainean baina pilatu gabe. Aluminiozko paperarekin estali eta gorde.
• Egin zuku lodia erretako plakarekin eta gorde.
• Egosi barazkiak banaka ingeles erara (lekak eta ilarrak). Freskatu eta xukatu. Gorde.
• Samurtu patatak eta gorde.
• Jarri barazki guztiak gastronorrean eta gainetik gurin zatitxoak labean berotzeko, edo egositako barazkiak salteatu.

ZERBITZUA

• Berotu labean barazkiak tenperatura txikian.
• Frijitu patatak.
• Berotu labean urdaiazpikoa tenperatura txikian.
• Irakin arazi zuku loditua.

PLATERERATZEA

• Jarri plater atalean hiruzpalau urdaiazpiko xerra tamainaren arabera, barazki hornigarriak alboan jarri eta haragiari zuku loditua bota.
• Ipini patata frijituak.
• Hautseztatu perrexilez.