AURREELABORAZIOAK

• Beheko solomoa ondo garbitu eta 200 g. tako entrekotak moztu eta gorde.
• Perretxikoak garbitu, julianan moztu eta gorde.
• Berakatza txikitu brunoisean eta gorde.
• Patatak zuritu, zubiberri eran moztu eta uretan mantendu.
• Demiglace apur bat gorde.
• Perrexila brunoisean txikitu eta gorde.

ELABORAZIOA

• Zartagin batean perretxikoak salteatu berakatz pixka batekin eta olioarekin. Ondu eta perrexil xehetuarekin hautseztatu eta gorde.
• Patatak parisien batean sueztitu 150ºC-an eta gorde zerbitzu arte.
• Piperbeltz berde saltsa egin. Zartaginean olio edo gurin pixkat isuri, tipula sueztitu eta piperbeltz berdea eta zuku pixka bat gehitu eta zukua badauka pixkat gehituko diogu. Brandy-arekin lameztatu eta demiglace pixka bat gehitu. Irakin arazi, esnegaina gehitu, trinkotzen utzi, ondu eta gorde.

ZERBITZUA

• Entrekota erre plantxan edo zartagin batean (puntu egokian) eta leku epel batean pausatzen utzi.
• Zartaginean eginez gero desglasea egin piperbeltz berde saltsarekin.
• Zubiberri patatak frijitu olio berotan.
• Salteatutako perretxikoak berotu.

PLATERERATZEA

• Entrekota platerean jarri.
• Horren aldamenean perretxikoak eta zubiberri patatak jarri.
• Saltsa haragiaren gainetik isuri.
• Perrexil xehetuarekin hautseztatu.
• Gernikako piperrik izanez gero jarri hornigarri moduan baita ere. Azken momentuan frijitu eta gatz larria bota. Pataten ondoan jarri.