AURREELABORAZIOAK

• Kendu hegalak eta erraiak hegaluzeari eta garbitu. Atera 4 solomoak. (Gorde mendrezka kontserban egiteko).
• Estali hegaluzea aurreko egunean ozpina duen gatzunean (solomo estuenak). 24 ordu egon behar du.
• Atera eta lehortu ondo 24 ordu eta gero. Xerratu gutxi gorabehera 1/2 cm-ko xerratan.
• Koipeztutako erretilu batean zabaldu eta ixuri gainetik oliba-olioarekin, bunoise erara xehetutako berakatzarekin eta perrexilarekin egindako nahastura. Ordu batzuetan pausatzen utzi.
• Txikitu oliba beltzak brunoisean.
• Garbitu eta galdarraztatu tomateak (Concasse gordina). Zuritu eta haziak kendu. Mamia dadotxoetan moztu. Gorde.
• Xehetu tipulina. Gorde.
• Higienizatu urazak eta zati berdintsuetan moztu. Gorde.
• Ireki luzetara ahuakatea. Kendu hezurra eta atera bere okela koilara batekin. Igurtzi limoiarekin (oxidazioa ekiditeko). Moztu xaflatxoetan eta zipriztindu limoi zukuarekin. Gorde.
• Moztu erditik tomate cherryak. Gorde.

ELABORAZIOA

• Lehortu oliba beltzak labean Tª baxuan (edo mahai beroan). Gorde.
• Egin ozpi-olioa.

PLATERATZEA

• Ipini plater erdian tomate concasse pixka bat.
• Jarri inguruan urazak.
• Ipini urazen gainean ahuakate xaflak.
• Jarri marinatutako hegaluze xerrak.
• Apaindu tomatetxoekin.
• Banandu concasse pixka bat hegaluzearen gainetik.

ZERBITZUA

• Apailatu ozpin-olioarekin.
• Hautseztatu oliba beltz lehortuekin eta tipulinarekin.

Oharrak:

Ahuakateren bat helduegi badago xaflak egiteko aukera dago guakamolea egiteko (gula eta ahuakate entsaladan agertzen den bezala).