ELABORAZIOA:

Bizkotxoa:

- Arrautzak azukrearekin harrotu.

- Irina nahastu irabiatu gabe.

- Laberako txapa baten gainean papera jarrita zabaldu orea.

- Laberatu 200 - 220ºC-tan

Almibar:

- Elementu guztiak batera irakin. Hoztu eta erreserbatu.

Marrubizko gelatina:

- Egosi marrubiak urarekin eta azukrearekin. Utzi epeltzen eta gehitu gelatina hidratatua. Txikitu, pasatu eta gorde hoztu gabe.

Esnegaina:

- Nahastu esnegaina azukrearekin eta erabat muntatu. Sartu mahukan eta gorde hozkailuan.

Marrubiak:

- Aukeratu tamaina egokieneko marrubiak eta itxura onenekoak, eta margotu gel hotzarekin.

MUNTAKETA

- Bizkotxoa mozkortu, marrubi gelatinaz margotu.

- Bete esne gain harrotuarekin eta marrubiekin, zati bat apaintzeko gordeta.

- Bildu besoa. Izoztu.

- Marrubizko gelatinarekin napatu.

PLATERATZEA

Zerbitzatu txokolatezko saltsarekin eta mugurdi-kulisezko botoiekin apaindutako platerean, marrubi zati gelatinizatuak, makaron eta jogurt izozkia krumble baten gainean.