AURREELABORAZIOAK:

• Bakailaoa gatzgabetu 48 ordu lehenago.
• Egosi arroza uretan 20 minutuz, xukatu egosteko ura bota gabe. Thermomix birrindu masa lodi eta fin bat egiteko ur nahikoa gehituz, txipiroi tinta gehitu. Iragazi txinatar iragazle batetik. Zabaldu silpatdun erretiluen gainean eta deshidratatu 50ºC-tan 24 orduz. Deshidratatu ondoren, gorde silize-geladun tupper batean.
• Garbitu eta higienizatu askotariko letxugak, eta gorde ontzi batean paper xurgatzailearekin.
• Moztu juliana oso fin batean limoi eta laranja azala.
• TPT almibar bat prestatu, gehitu piperbeltz arrosa ehoa eta hoztu limoiarekin eta laranjarekin batera.
• Txikitu tipulina.LANKETA:

ELABORAZIOA:

• Egosi bakailaoa, atera xaflak eta gehitu zitrikoen almibarra eta utzi beratzen 2 orduz.
• Moztu letxuga zatitan eta prestatu 1/4 sagardo ozpina eta 3/4 oliba-olio birjina extra.
• Prestatu baratxuri galdarraztatu mahonesa bat.
• Moztu zatitan deshidratatutako arroz-orea eta frijitu 180 ºC-tan ekilore-olio ugaritan, puztu arte. Erreserbatu paper xurgatzailearen gainean. Komeni da zerbitzua hasi baino pixka bat lehenago egitea, kurruskariak manten daitezen.
• Xukatu perrexila, freskatu eta emultsionatu ur epelarekin eta oliba-olio birjina estrarekin Thermomix-en zurrusta finarekin loditu arte.

ZERBITZUA:

• Erabili kurruskaria oinarri gisa, jarri letxuga-bouquet bat gainean pilatuta eta bakailao beratu  eta ali-oli pixka bat.
• Bota oliba-olio birjina txorrotada bat gainetik eta hautseztatu tipulin xehatua.