AURREELABORAZIOAK

• Garbitu  eta moztu makiltxoetan, era horretara moztu daitezkeen  barazkiak: azenarioa, alberjinia, kuiatxoa, piper berdea, piper gorria eta lekak. Galdarraztatu lekak eta baita azenarioa makiltxotan mozten bada. Gorde.
• Zuritu gari-zainzuriak eta luzetara moztu. Gorde.
• Zuritu azenarioak eta xaflatan moztu luzetara (mozteko beste aukera bat). Gorde.
• Tipuleta uztai finetan moztu mozteko makinarekin. Gorde. 
• Otarrainxkak: burua kendu eta zuritu isatsa utziz; mozketa bat egin luzetara buztanaren kanpoalde osotik eta hestea kendu. Gorde.
• Pikillo piperrak garbitu azal hondarrak eta haziak kenduz.
• Tenpura orea egin eta leku epelean pausatzen utzi.
• Porrua juliana finean moztu. Gorde.

ELABORAZIOA

• Pikilo emultsioa egin: thermomixean piperrak xehetu; oliba-olioa pixkanaka gehitzen joan emultsioa lortu arte; txinotik iragazi eta gatz puntuan ipini. Biberoi batean gorde.
• Porrua irineztatu eta olio ugarian frijitu. Paper xurgatzailearen gainean kengu gehiegizko olioa. Gorde

ZERBITZUAN

• Zerbitzatzeko unean barazki mota bakoitzetik 3-4 zati eta 3 otarrainxka, aurrez gatzeztatuak, tenpuratik pasatu eta olio bero ugarian frijitu. Erretilu batera atera xukatzeko paper gainera. (zerbitzua baino lehen, erdi frijitu daitezke kolorerik hartu gabe, eta gero kolpe bat eman olio berotan).

PLATERERATZEA

• Plater batean barazkiak eta otarrainxkak jarri eta erdian porru frijitu pixka bat jarri.
• Platera apaindu pikilloko emultsioaren hari batzuk eginez.
• Soja-saltsa bowl batean aurkeztu.