AURREELABORAZIOAK

• Tipula brunoisean moztu eta gorde.
• Porrua aurreelaboratu eta 2-3 cm-ko zatitan moztu.
• Patatak zuritu, garbitu eta kraskatu. Gorde.
• Kuia zuritu eta dado handitan moztu. Gorde.
• Bakailao gezatua dado handitan moztu. Gorde.

ELABORAZIOA

• Tipula sueztitu oliba-oliotan.
• Apur bat bigundutakoan kuia gehitu eta jarraitu sueztitzen.
• Porrua gehitu eta sueztitu.
• Patata gehitu, ondo sueztitu eta fumet edo hondo zuriarekin busti.
• Gatzarekin ondu eta irakiten mantendu su motelean.
• Egosketaren amaieran bakailaoa gehitu eta berriro irakin arazi.
• Gatz puntua eman.

ZERBITZUA

• Arrautza galdarreztatu: sauté batean ura ozpinarekin (%10 gutxi gorabehera) irakin leunean baina gatzik gabe; bota arrautz kraskatua; sua itzali eta utzi 3 minutuan. Beste teknika bat da arrautza kraskatu eta ura berriro irakin arazi baina su motelean (kasu honetan ez dira izango hiru minutu uretan). Arrautzaren zuringoa mamituta behar du eta gorringoa likido; eta zuringoak gorringoa bildu behar du.
• Uretatik atera eta ur hotzetan murgildu egosketa eteteko.
• Uretatik atera azkenik eta kendu ertzak.

PLATERERATZEA

• Plater sakonean porrusalda bero-bero jarri eta arrautz galdarraztatua ipini.
• Perrexilaz hautseztatu.