AURREELABORAZIOAK

• Tipula eta barrengorria brunoisean txikitu eta gorde.
• Haragi xehetua gorde.
• Intxaurrak brunoisean txikitu eta gorde.
• Taparen aurreelaborazioa egin 60 gramoko eskalopin xerrak lortzeko.
• Espainiar azkarraren barazkiak aurreelaboratu eta gorde.
• Patatak zuritu eta mandolinaren laguntzarekin lasto patatak egin eta gorde.
• Barrengorriak garbitu, laurdenetan moztu eta gorde.
• Perrexila brunoisean moztu eta gorde.

ELABORAZIOA

• Sueztitu tipula eta barrengorria, koipegabetu eta gorde.
• Egosi ziazerbak ingeles erara, xukatu, brunoisean txikitu eta gorde.
• Nahastu haragi xehetu gordina sueztitutako tipula eta barrengorriarekin fartsa egiteko.
• Gehitu whisky apur bat.
• Gehitu arrautzak eta amaitzeko ziazerbak eta intxaurrak.
• Ondu (gatza, piperbeltz zuria eta intxaur muskatua) eta gorde.
• Eskalopin xerratxoen ertzak moztu.
• Xerratxoak barrubete kaneloiak bailira, muturrak bi zotzekin itxiz.
• Gatz eta piperbeltzarekin ondu popietak, irineztatu eta frijitu (paper xurgatzailearen gainean xukatu).
• Espainiar saltsa azkarra prestatu eta gorde.
• Barrengorriak salteatu eta gorde.
• Lasto-patatak garbitu ur hotzarekin.
• Frijitu eta gorde.

ZERBITZUA

• Oporto ardoa urritu eta saltsa espainiarra gehitu.
• Popietei zotzak kendu, rondoian jarri eta behar duen saltsa gehitu.
• Irakinalditxo bat eman gehiegi lehor ez daitezen. 

PLATERERATZEA

• Hiru popieta jarri plater atalean.
• Lasto-patatekin eta barrengorriekin hornitu eta saltsarekin lagundu.
• Perrexil txikituarekin hautseztatu.