AURREELABORAZIOAK:

• Oilaskoa tiratan moztu. Gorde.
• Ondoko marinada egin: curry pasta gorria, oliba-olioa eta gatza.
• Marinada horrekin oilaskoa igurtzi aurreko egunean.
• Jengibrea zuritu eta txikitu. Gorde.
• Lemongrass-a txikitu. Gorde.
• Barazkiak juliana erregularrean moztu: tipila, piper gorria, piper berdea, kuiatxoa, albirjinia, gari zainzuriak eta perretxikoak. Gorde.

ELABORAZIOA:

• Barazki bakoitza bere aldetik galdarraztatu (perretxikoak izan ezik) erdi sukaldatzeko. Guztiz freskatu eta ondo lehortu.
• Perretxikoak salteatu.
• Anakardo krema egin: anakardoak thermomixean birrindu eta esnegain epela gehitzen joan pure ehundura lortu arte.
• Basmati arroza ingeles erara egosi 15 minutu eta freskatu ondo. Erreserbatu.
• Zilantro adartxoak atera eta ur-izotzetan sartu.
• Zilantroa zatitu.

ZERBITZUA:

• Oilaskoa zartagin batean salteatu lemongrass eta jengibre apur batekin eta bere puntuan dagoenean barazkiak gehitu. Dena elkarrekin berotu. Hoisin saltsa, teriyakia eta zilantro txikitua gehitu eta dena ondo elkartu.
• Aldi berean basmati arroza mikrohuin labean berotu.
• Anakardo purea berotu.
• Plateraren alde batean oilaskoa jarri, erdian anakardo purearekin egindako malko zuzen bat eta beste aldean arroza uztai ertain baten laguntzaz. 
• Zilantro adartxo batekin apaindu.