AURREELABORAZIOAK

• Gantza kendu isatsari eta artikulazioetatik zatitu. Gorde.
• Garbitu pikilloko piperrak eta moztu ertzak berdintsuak gelditzeko..
• Zuritu patatak eta biribildu. Gorde.
• Zuritu azenarioak eta biribildu (edo loretxoak egin). Gorde.
• Zuritu eta moztu barazkiak Hondo iluna egiteko. Gorde.
• Zuritu eta paisana erara moztu barazkiak buztana egiteko. Gorde.
• Xehetu perrexila.

ELABORAZIOA

• Isatsa prestatu.
• Laberatu pikilloko piperrak azpila koipeztatuaren gainean minutu batzuez.
• Papurtu isatsa. Gorde.
• Koipegabetu saltsa eta iragazi.
• Loditu saltsa zati bat maizena gehiagorekin betegarria trabatzeko, eta beste zati bat arinago lagungarri bezala.
• Trabatu isatsaren haragia saltsarekin. 
• Bete piperrak. Gorde.
• Egosi patata eta azenario biribilduak. Freskatu eta gorde.

ZERBITZUA

• Sartu piperrak saltsa beroan eta irakin su motelean.
• Berotu torneatuak.

PLATERERATZEA

• Jarri saltsa platerean eta horren gainean ipini piperrak txukun.
• Ipini biribilduak.
• Hautseztatu perrexilarekin.

Oharrak: 

Isatsaren haragiari masail-haragia gehitu dakioke. Horretarako masailak aparte kozinatu eta gero haragia txikitu ondoren nahastu isatsaren haragiarekin.

Apaintzeko tipula uztai frijituak ere erabili ditzakegu.