AURREELABORAZIOAK

• Marrubiak garbitu eta dadotxo erregularretan moztu. Gorde.
• Meloia zuritu eta hazigabetu. Dadotxo erregularretan moztu. Gorde.
• Marrubi batzuk laurdenetan zatitu. Gorde.
• Meloi apur bat dado handiagoetan moztu. Gorde.

ELABORAZIOA

• Sableaux orearekin galleta batzuk egin. Laberatu 180ºtan 7 minutu inguru. Hoztu eta birrindu.
• Urazukre neutroa egin.
• Marrubi infusioa egin: maria bainuan edo ronerrean sukaldatu mailuki izoztuak azukrearekin bere zuku guztia askatu arte. Iragazi presiorik egin gabe. Hoztu. Esnea gehitu eta ondo nahastu.
• Marrubi coulisa egin: mailuki batzuk garbitu eta zatitu eta lapiko batean jarri azukre eta urarekin. Egosi eta lortu nahi dugun ehundura duenean turmixetik xehatu eta iragazi.
• Isomalt azukrearekin kapsulak egin: isomalt azukrea lapiko batean berotu gardena izan arte. 
• Uztaiak mahai beroan eduki.
• Isomalt prest dagoenean uztaiak silpat batean jarri. Uztaietan isomalt apur bat bota oinarrian zabaldu dadila. 
• Uztaia kontu handiz altxatu eta biratu uztaia punta sortzeko. Oinarria sopletearen laguntzaz berotutako aizto batekin moztu. 
• Menda hostotxo txikiak banatu eta ur hotzetan kontserbatu.

ZERBITZUA

• Dadotxo txikietan moztutako meloia eta marrubia (bakoitza bere aldetik), urazukre apur batekin eta menda txikituaz jarri. Nahikoa ontzeko, ez da blai eginda geratu behar.
• Uztai bat jarri plateraren erdian. Mailuki eta meloia ondo xukatu, nahastu eta uztaian sartu. 
• Honen inguruan marrubi coulis tanta batzuk, marrubi laurdenak, meloi dadoak, gaileta birrindurak, menda hostotxoak eta koloreetako loreak.
• Uztaia kontu handiz kendu eta frutaren gainean isomalt kanpaia jarri. 
• Txupito edalontzi baten barruko hormak zoparekin margotu eta izotz lehor puxka bat jarri. Pitxar batean mailuki zopa jarri.
• Jantokian zerbitzariak txupito edalontzian marrubi zopa jaurtiko du eta burbuiak aterako dira.