AURREELABORAZIOAK

• Mihia aurreelaboratu alboko gantzak kenduz.
• Mihia egosteko barazki ongarriak aurreelaboratu (tipula paisana handian, azenarioa ilargi erditan eta porruaren berdea).
• Espainar saltsa arinaren osagaiak aurreelaboratu.
• Azenarioa dadotan moztu eta gorde.
• Patatak zuritu eta dadotan moztu. Gorde.
• Perrexila brunoisean moztu eta gorde.

ELABORAZIOA

• Jarri mihia eta barazki ongarriak presio-eltze batean; estali ur hotzez ; gehitu ardo zuri apur bat ; ondu gatzarekin , itxi eltzea eta irakiten utzi 45 minutuz.
• Atera mihiak eta zuritu bero daudela (Hau bezperan egitea komenigarria da).
• Moztu mihia xerretan, ez mehe ez lodi.
• Arrautzaztatu, frijitu eta koipegabetu.
• Prestatu espainar saltsa arina.
• Ipini mihi-xerrak rondoi batean.
• Bota espainiar saltsa arina eta 5 minutuan irakin. Gorde.
• Azenario-dadoak ingeles erara egosi, freskatu eta gorde.
• Ilarrak ingeles eran egosi, freskatu eta gorde.
• Piper gorria labean erre, zuritu eta ronbotan moztu. Gorde.
• Samurtu patatak eta gorde.

ZERBITZUA

• Berotu mihia.
• Kozinatu apur bat piperra baratxuri apur batekin.
• Salteatu egositako barazkiak.
• Frijitu patatak.

PLATERERATZEA

• Jarri plater zapalean mihi xerrak kontu handiz platera zikin ez dadin.
• Jarri goarnizioa gainetik modu txukun batean.
• Hautseztatu xehetutako perrexilez.