AURREELABORAZIOAK:

• Atuna garbitu eta dado txikietan moztu.
• Tipuleta brunoisse finean txikitu.
• Jengibrea oso fin txikitu.
• Atuna aurreko egunetik marinatzen jarri: tipuleta gehitu, soja saltsa, oliba-olioa, wasabia, jengibrea, gatza (kontuz gatzarekin soja saltsak ere gatzeztatzen duelako) eta txigortutako sesamoa ondo nahastu eta atunari gehitu. Hozkailuan kontserbatu.
• Aguakateak dadotxoetan moztu.
• Limoi zukua egin.
• Tipulina txikitu (uztai oso finetan).

ELABORAZIOA

• Gazpatxoa egin.
• Tipulin olio bat egin.
• Aguakateari gatz apur bat, oliba-olioa eta limoi zukua gehitu. Ondo nahastu.
• Sesamoa zartagin batean koiperik gabe salteatu. Hozten utzi.

ZERBITZUA:

• Uztai bat plateraren alde batean jarri eta bertan aguakatearen nahastea jarri. 
• Gainean atunaren nahastea. Gainetik sesamo txigortua bota eta tipulin txikitua.
• Platerean, uztaiaren alboan, gazpatxo txupito bat jarri.
• Tipulin olioarekin platera eta gazpatxoa apaindu.