AURREELABORAZIOAK:

• Foie-a garbitu eta marinatzen ipini.

ELABORAZIOA:

• Foie micuit-a elaboratu.
• Sagarra zuritu eta xerra erditan moztu.
• Gurinarekin salteatu.
• Lingote moduko silikonazko moldeak erabili mi-cuita sartzeko. Moldea sagarrarekin jantzi eta foie mi-cuitarekin bete. Sagarrarekin estali guztiz inguratua geratzeko. Moldetik atera.
• Azukreaz hautseztatu eta sopletearekin gainerre.
• Limoi ogia egin.
• Sagar kurruskaria egin: sagarraren txurtena erdian gelditzen delarik xerratzeko makinan xerra oso finak egin. Behar diren xerretan hazitxoak baztertu.
• Ur-azukre neutro bat egin eta bertan sagar xerrak banan banan murgildu.
• Silpat batean jarri ondo xukatuz. Laberatu 150ºC-tan. Apaintzeko bada tolestu apur bat oraindik bigun dagoela.
• Utzi hozten kraskatsua izan arte. Leku fresko batean mantendu baina lehorra.
• Sagar purea: sagar zurituak moztu eta gurin eta azukrearekin estalita sukaldatu. Beharrezkoa bada ur pixka bat gehitu. Xehatu eta mauka batean zulo txikiarekin kontserbatu. 
• Juanola olioa egin.
• Yogur saltsa: Yogurra esne apur batekin arindua.

ZERBITZUA

• Foie lingoteak erdibitu eta platerean jarri sagar konpota koilarakadatxo batekin.
• Ogi xerra finak egin eta labean txigortu (3 xerra anoa bakoitzeko).
• Foie-aren alboan ogia jarri.
• Foie yogurt saltsarekin inguratu eta juanola olioaz apaindu. 
• Gainean sagar kurruskari bat txertatu.
• Lore gutxi batzuekin apaindu.