AURREELABORAZIOAK

• Entrêcote xerra lodiak egin. Gehiegizko gantza baztertu.
• Patatak zuritu eta bolak egin.
• Tipulina txikitu.

ELABORAZIOA

• Pikillo kurruskaria egiteko, pikillo piperrak zabaldu eta hazigabetu.
• Bi paper sulfurizatuen artean jarri, zapaldu apur bat eta 100ºCtan lehortu bi ordu inguru.
• Olio epeletan (100ºC) frijitu eta ondo xukatu.
• Leku lehorrean kontserbatu.
• Pikillo emultsio bat egin: pikillo piperrak hazigabetu eta thermomixean ondo birrindu pure bat lortu arte. Ekilore olioarekin emultsionatu eta gatzaz egokitu.
• Patata bolak xamurtu bigun baina kolorerik gabe geratzeko.
• Ardo murrizketa bat egin: ardo beltzari azukrea, kanela makil zatitxo bat, limoi azala eta laranja azala gehitu eta sutaratu. Irakiten utzi karamelu arineko ehundura eduki arte. Hoztu eta biberoi batean ipini.

ZERBITZUA

• Entrêcote-a plantxaratu eta eskatutako puntua baino gutxiago egin. Gatza bota.
• Patatak frijitu eta kolorea hartzen dutenean paper xurgatzailera atera. Gatza bota eta piperrauts gozoa ere. Ondo nahastu.
• Brotxa baten laguntzaz marra bat irudikatu ardo murrizketarekin.
• Entrêcote-a xerratan moztu eta platerean antolatu patatekin batera. Salamandran edo labean berotu daiteke zerbitzua zuzena ez bada.
• Pikillo emultsioarekin tanta batzuk marraztu.
• Pikillo kurruskariarekin eta tipulin txikituarekin apaindu.