AURREELABORAZIOA

• Ahate paparra garbitu eta gantzaren zati bat baztertu.
• Ahate urdaiazpikoa egin: azukrea, gatza (kilo bana), limoi eta laranja azala (juliana finean moztuta) nahastu. Ahate paparra bertan sartu ondo inguratua geratu dadila. Estali eta bi egunetan hozkailuan kontserbatu.
• Letxugak garbitu eta zatitu.
• Tomatetxoak erdibitu. Handiak badira laurdenetan.

ELABORAZIOA

• Ekilore haziak txigortu.
• Pipak garrapiñatu.
• Ahate paparra, 48 ordu igaro ostean, gatzetatik atera eta ur hotzarekin garbitu. Ondo lehortu eta xerra finetan moztu.
• Laranja ozpin-olioa egin.
• Laranjak guztiz zuritu (azal zuria ere kenduaz). Laranja atalak atera erdiko mintzak baztertuz. 
• Tipulina txikitu.

ZERBITZUA

• Letxuga zopontzi batean jarri eta ozpin-olioaz apailatu. Pipa batzuk, mahatspasak, hur zatituak, laranja ale batzuk eta tomate batzuk nahastu letxugarekin ere.
• Entsalada bouketa plater batean jarri eta alboan 5-6 xerra urdaiazpiko zabaldu.
• Laranja ale batzuk ipini eta fruitu lehor batzuk ere.
• Tipulin txikituaz eta tipulin adarren batekin apaindu.