AURREELABORAZIOAK

• Txipiroiak garbitu. Gorde.
• Fumeta egiteko barazkiak paisanan moztu.
• Moztu baratxuria xerretan, tipula julianan, piper berdea uztaietan eta tomatea laurdetan. Gorde.
• Perrexila brunoisean moztu. Gorde.

ELABORAZIOA

• Jarri martxan fumeta.
• Rondoi batean barazkiak eta olioa jarri (hau dena sueztitu daiteke) eta txipiroiak jarri zabal.
• Rondoia estali eta erregosten utzi su motelean.
• Txipiroiak bigun daudenean atera eta gorde.
• Saltsa egiteko behar duen txipiroi tinta gehitu ardo zuritan urtuta.
• Ogi xerrak gehitu (labean lehortuak), irakiten utzi nahastura eta fumetarekin busti behar izanez gero.
• Xehatu eta bahetu.
• Txipiroiak gehitu eta dena irakin arazi.
• Bukatzeko gatz puntua eman.
• Moldeko ogi xerrei azala kendu eta xerra bakoitza 4 hirukitan moztu. Moldeko ogi zatiak frijitu olio berotan eta gorde.
• Pilaw arroza egin.

SERBITZUA ETA PLATERERATZEA

• Plater atalean pilaw arroza ipini eta alboan txipiroiak.
• Moldeko ogi zati batzuk jarri.
• Perrexilarekin hautseztatu.