• Bakailao supremak lodiera antzekoa duten 4 zatitan moztu, ondo lehortu eta anoaz-anoa hutsean ontziratzeko poltsetan jarri oliba olioarekin, berakatz xerra batzuekin eta pipermin xerra batekin. Hutsean ontziratu eta hozkailuan gorde.
• Amerikar saltsa egin.
• Gari zainzuriak zuritu eta hiru zatitan moztu. Salteatu.
• Perretxikoak juliana lodian zatitu eta salteatu.
• Otarrainxkak zuritu eta 4 zatitan moztu. Dena erreserbatu.
• Bakailaoa moztean lortutako soberakin guztiak oliba oliotan konfitatu eta pil-pila egin.
• Urdaiazpiko onduaren gantz zati bat txikitu. Tipulina txikitu.

PLATEREZTATU:

          Zerbitzuan bakailaoa Roner-ean egosi 50º C-tan 10 minutu. Otarrainxkak txikitutako urdaiazpiko gantzarekin salteatu, zainzuri eta perretxiko salteatuak gehitu eta dena ondo berotu.

Topedun plater sakon batean jarri zainzuri baten punta erreserbatuz gero apaintzeko. Bakailaoa poltsatik atera eta hornidurakin ipini bolumena emanez. Pil-pilari amerikarra gehitu eta bakailaoa nahaste honekin napatu. Amerikarrarekin inguratu eta erreserbatutako zainzuri punta zutunik ipini bakailaoa euskarri duelarrik.

Tipulin txikituaz hautseztatu eta tipulin adar pare bat gurutzatu. Kanpana jarri eta ke piperekin keztatu. Berehala zerbitzatu.